حملات الحج 1432هـ .. 2011مـ

[GS 430]

السلام عليكم

اخوكم من الامارات وحاب احج مع حمله سعوديه من الرياض او الطائف او جده
حج سريع

وما يتعدى سعرها 4000 ريال

لأن عددنا 10 اشخاص

والاسعار عندنا نار يا حبيبي نااار

يا ليت الي عنده علوم او اخبار عن حمله معينه يكتبه في هالموضوع

لأن الجميع معتمد عليه واخوكم توهق

وجزاكم الله كل خير

 

 

[الرجل الواعي]

موفق أخي الكريم

بس الحملات حتى الآن ما أعلنوا للحج

إن شاء الله يفيدك أحد قريب من أحد الحملات و انتبه لا تذهب إلا مع حملة مشهورة و معروفة


بس ما قلت لي وش معنى حج سريع ؟!

 

 

[alshately]

http://www.localhajj.gov.sa/lh/LowPrice

 

 

[درب شقاوي]

ما فيه أحسن من حملة الرصيف الصالح ( الإفتراش )
والله يا بعدي ما عندي علم أكيد
أكتب بقوقل ’’ تجربتي مع حملة الحج ’’ وبيطلع لك كذا موضوع عن الحملات وكل واحد يكتب عن تجربته
مع العلم أن فيه حملات غالي سعرها وخدمتهم دمار والعكس
وعندي لك نصيحة إذا كلمت الحملة عطهم خبر أن عددكم عشرة وأطلب منه خصم خاااص وخيام خاصه بكم

والله يسهل عليكم

 

 

[flash kasim]

لاتستعجل

 

 

[سيغموند فرويد]

أهم حاجة جنّب عن الحبايب أعلاه

الأيام هذي صاير مزحهم ثقيل. يعني مرات يسحبون عليك، و إذا حبكت أكلوك لحم حمير

 

 

[المتغابي]

الي اعرفه وانا اخوك انه ممنوع غير سعودي يروح مع حمله من داخل السعودية ... اذكر عام 2005 كنت في حمله وكان معنا واحد اماراتي حاجز من السعودية ... وطبوا لجنة مدري وش يقالهم وخذ يا تحقيق مع الشخص ومع المسئول عن الحملة ... وما ادري اذا النظام تغير او لا لكن ما اعتقد انه تغير 

 

 

[ahmad7-7]

انصحك تروح منك من الامارات اكيد عندكم جودة + ثقة , اما ربعنا اغلبهم دجة

 

 

[تمساح وردي]

مرة قابلت حجاج جايين من الرياض في حملة ودافع كل واحد فوق 20 الف ريال وبالاخير سكنوهم بحوش في جبل النور فية غرف شعبية وراحوا الحرم على حسابهم يطوفون طواف القدوم

 

 

[star sokna]

والله برضه غاالية عندنا و ما اتوقع تلقى بـ 4000
لكن الله يوفقكم و تطلعون تحجون ..!

 

 

[Ahmad Alsaeed]

يابو الشباب

اتوقع الحملات عندكم فيها ضمانات

ياخي عندنا تخاف تطيحلك بحمله وهميه



Sent from my X10i using Tapatalk

 

 

[altaboot]

لسى مابعد اعلنو راح تحصلها بالموقع

لكن ترى احتمال انه ممنوع الاضمن انك تكلم اي حمله وتعلمهم انك بتجي من الامارات للسعودية وشوف وش يقلولك انا اعتقد انه ممنوع واصلن حتى فيه تفتيش على خط البر واذا شافكم لابسين احرام بيقلولكم وين التصاريح مافي تصريح يرجعك

انا عن نفسي اسمع يمدحون حملة الفرقان ولهم موقع على النت ايضآ

لك مدري كم الاسعار

 

 

[البحر الكامل]

ما أتوقع خليجي يمنعونه من الحج مع حملة سعودية


الله يسهل لك وللي معك


ياليت نجمع أسماء الحملات وأماكنها وأرقامها وخدماتها وأسعارها هنا عشان الكل يستفيد

 

 

[عاشق الرمش]

ياشباب الخليجي يعامل معاملة المواطن
وهذا مايمنع انك تتصل على الحملة اللي تختار وتتأكد
لأن الانظمة كل يوم تتغير على حسب .....

اقتباس: المشاركة الأصلية كتبت بواسطة altaboot     لسى مابعد اعلنو راح تحصلها بالموقع لكن ترى احتمال انه ممنوع الاضمن انك تكلم اي حمله وتعلمهم انك بتجي من الامارات للسعودية وشوف وش يقلولك انا اعتقد انه ممنوع واصلن حتى فيه تفتيش على خط البر واذا شافكم لابسين احرام بيقلولكم وين التصاريح مافي تصريح يرجعك

الاحرام بالميقات بالطائف سواء كان بر أو جو
والرجل طالب حملة بالطائف أو جدة أو الرياض
وضعه سليم

 

 

[OfrozeO]

في حمله في الطايف ومعروفه سمعتها حلوه وخدماتها مميزه زي السكن في فئة الف في منى وبوفيه مفتوح ونظيفه بس سعرها تقريبا 4500 -5500 ماتزيد عنها ماني متاكد لكن ان شاء الله بكره اجبلك اسمها واسعارها ورقمها

 

 

[man_19]

يااخي الله يكون في عونك

الصراحه الحملات اسعار وايد مبالغ فيها

تخيل امس اشاهد بوستر لحملة الحج كامل بدون المدينه يساوي 39,500 درهم

الله يسهل امورك

 

 

[mo5d]

اقتباس: المشاركة الأصلية كتبت بواسطة man_19     يااخي الله يكون في عونك الصراحه الحملات اسعار وايد مبالغ فيها تخيل امس اشاهد بوستر لحملة الحج كامل بدون المدينه يساوي 39,500 درهم الله يسهل امورك

ســــلاماااااااااااااااااااااااااات

متأكد إعلان حملة حج ولا يمكن وكالة سيارات !!

لا وما شاء الله 39 ألف و 500 على أساس أنهم وفروا عليك 500 وهذا الخصم الخورافي اللي حطوا على أساسه إعلان تسويقي !!

المفروض تتدخل حكومتكم بصراحة وتحط سقف أعلى للأسعار وسقف أدنى للخدمات ..

40 ألف أجل !! يا لبيه يا الفرقان والهاشم إذا مره مره لعبوا عليك وحطوا كل الخدمات بـ 10 ألاف وتحس انك ملعوب عليك وتهورت !!

 

 

[M7MD-AS]

اقتباس: المشاركة الأصلية كتبت بواسطة OfrozeO     في حمله في الطايف ومعروفه سمعتها حلوه وخدماتها مميزه زي السكن في فئة الف في منى وبوفيه مفتوح ونظيفه بس سعرها تقريبا 4500 -5500 ماتزيد عنها ماني متاكد لكن ان شاء الله بكره اجبلك اسمها واسعارها ورقمها

بانتظار الاسم الله يوفقك

 

 

[M7MD-AS]

انا اليوم كلمت كم حملة في الرياض فئة (أ)1
طبعاً فيه (أ)2
1- شركة الركن الخامس بـ 10500 ريال
2- الاخيار بـ10200 ريال
3- الجريسي بـ11900 ريال


والبقية يقولون مانزلت الأسعار

الله يستر ناون نحج بس شكلهم ناوين يعصرونا عصر باسعارهم

المشكله يقولون وزارة الحج محدد لهم أسعار
واغلى سعر وهو فية (أ)1 الوزارة محدده لهم 3900

 

 

[maxneo]

ياخوان انا عندي استفسار اللحين فيه حملات مخيمهم قريب من مسجد الخيف وبين المحطه القطار والجمرات
وفيه الي عند مجر الكبش الي بعد ابراج منى وفيه حملات سكنهم الابراج
1-وش الاحسن من ناحيه الموقع ؟
2-وهل في الرمي اقدر اطلع اي دور ولا على حسب مساري وموقع الحمله؟