تجربتي في استخراج بطاقة الاحوال بدل فاقد
banner
2017-03-13 , 03:33 مساءً
ابا نواف’s Avatar
ابا نواف

فعال

المشاركات:1165
التسجيل:Dec 2010
ابا نواف
السلام عليكم ورحمه الله وبركاته
اخباركم طيبين
اليوم بقولكم تجربتي في استخراج بدل فاقد بطاقة الاحوال مفقودة
كيف فقدت بطاقتي رحت لطاقات للتوظيف قبل ثلاث اسابيع ورحت لموظف الاستقبال وقلت له ابغى المستشار وقال عطني بطاقتك الاحوال وعطيته وجلست 10 دقايق وبعدها ماأدري هو عطاني بطاقة الاحوال او لا وقلت للموظف الاستقبال ضاعت بطاقتي قال معطيك اياها قلت شف ابحث عنها وبحثت معه ومالقيتها وبعد ثلاث ايام رحت للمدير وكلمته قلت له شغلو الكاميرات قال الكاميرات بالرياض مدري احس اقوى تصريفه وبحث معي المدير ومالقيناها قلت مافيه الاابلغ عنها واستخرج بدل فاقد دايم خل عيونك للبطاقة وين تروح اذا عطيته واخذتها بعض الاحيان مايعطيك بطاقتك يعطيك بطاقة ثانية.
الحين ابقولكم خطوات استخراج بدل فاقد
طبعا البطاقه اول مرة تضيع مني البطاقة نسخه 1 رحت للفرع الاحوال المدنيه قلت فقدت بطاقتي قال بلغ بموقع ابشر واحجز موعد
خطوات استخراج بدل فاقد بموقع الانترنت ابشر
1-اول شي تكون مسجل بموقع أبشر تروح للاحوال ,الجوزات عندهم جهاز زي الصرافة فيه التسجيل سهل مرة وتسجل وتبصم
اذا ضاعت البطاقة منك ابحث عنها يوم اذا خلاص مالقيتها بلغ عنها
2-تدخل موقع ابشر وتروح فوق الخدمات الاكترونية اضغط عليها تحصل الابلاغ عن الوثائق المفقودة ادخل عليها وموضح بالخطوات اختيار الوثيقة تأكيد الإبلاغ بيانات الفقدان تسجيل الإبلاغ وتطبعه بالطابعه لازم مكتوب انها مفقودة وتاريخ الفقد
3 - بعد ماسجلت البلاغ عن فقدان الوثيقه يجيك يمكنك حجز موعد بدل فاقد او تروح للخدمات الاكترونية تضغط عليها وتحصل خدمة طلب وثيقة بدل فاقد يجيك موضحة بالخطوات اختيار الوثيقة تأكيد الموعد متطلبات إعادة الإصدار وبعدها تطبعها وفيها معلومات عن الموعد
4 -تحمل نموذج رقم 58 تكتب بجوجل النماذج الاكترونية وزارة الداخلية وتحمله وتطبعه - الان خلصت تروح للفرع ومعك اربع اوراق 1- وثيقة فقدان بطاقة وفيه تاريخ فقدان البطاقة 2- موعد بدل فاقد 3- نموذج رقم 58 تعبيه كلها الا الشهود وتحتها لاتكتب شي 4- صورة من بطاقة الاحوال وتصور عند محل صور 4في 6 بدون نظارات
ورحت للفرع ومعي الاوراق الاربعه والصور الشخصية ورحت لخدمه العملاء وعطيته الاوراق وعطاني نموذج ثاني اعبيه وبعدها وديت لها و لصق الصور بالنموذجين واعطاني خدمه العملاء ورقة رقم انتظار ورحت للموظف وصورت وقال تعال بعد اسبوع .
وهذي تجربتي حبيت انشرها لعل احد يستفيد وانا جاهز لاي استفسار
Enlarged Image
2017-03-13 , 03:33 مساءً
2017-03-15 , 12:22 مساءً
Riix’s Avatar
Riix

مشارك

المشاركات:419
التسجيل:Jun 2014
Riix
يعطيكك العافيهه استفدت من الطريقهه ��
2017-03-15 , 12:22 مساءً
2017-03-15 , 01:45 مساءً
basim buitte’s Avatar
basim buitte

نشيط

المشاركات:823
التسجيل:Jan 2015
basim buitte
طيب مادفعت غرامه؟؟؟ انا دفعت 100 ريال غرامة بس كانت 3 نسخة

أرسلت من LG-H818 بإستخدام تاباتلك
2017-03-15 , 01:45 مساءً
2017-03-15 , 02:53 مساءً
ابا نواف’s Avatar
ابا نواف

فعال

المشاركات:1165
التسجيل:Dec 2010
ابا نواف
basim buitte كتب:
طيب مادفعت غرامه؟؟؟ انا دفعت 100 ريال غرامة بس كانت 3 نسخة

أرسلت من LG-H818 بإستخدام تاباتلك


اول نسخة 1 ماتدفع غرامة ماقالولي شي
2017-03-15 , 02:53 مساءً
2017-03-15 , 03:47 مساءً
Anarch’s Avatar
Anarch

فعال

المشاركات:1159
التسجيل:Jan 2014
Anarch
الله يعطيك العافية

لي فترة افكر احرق بطاقتي واطلع بدل فاقد

حولت اجددها عادي وباقي كم سنة على الانتهاء ومسكوني الباب

المشكلة صورتي تحفه فاهي وعقالي مدري كيف ما طاح وفاتح فمي ههههههههههه فقلت خل اغيرها علشان اجدد الرخصة بعد
2017-03-15 , 03:47 مساءً
2017-03-15 , 04:52 مساءً
مخاوي العجرة’s Avatar
مخاوي العجرة

مبدع

المشاركات:5148
التسجيل:Jan 2017
مخاوي العجرة
Anarch كتب:
الله يعطيك العافية

لي فترة افكر احرق بطاقتي واطلع بدل فاقد

حولت اجددها عادي وباقي كم سنة على الانتهاء ومسكوني الباب

المشكلة صورتي تحفه فاهي وعقالي مدري كيف ما طاح وفاتح فمي ههههههههههه فقلت خل اغيرها علشان اجدد الرخصة بعد

اهم شي فاتح فمك :53::d

عادي ترا منت اول ولا اخر واحد يتدبس بها .. وسع صدرك :63:
2017-03-15 , 04:52 مساءً