ماهو أفضل بنك يقدم قرض ..وأهم شي شرعيتها ..

[أنا ألووو]

ولا زال البحث مستمر يا بو راشد

هذا وانت تبحث عن الهم بالليل وذل بالنهار

اللي هو الدين ولا حصلته

اجل لو بتبحث عن الراحة وش يبي لك وقت

 

 

[Abdllaziz]

اقتباس: المشاركة الأصلية كتبت بواسطة أبـــو راشـــد     يا مرحبا يا Abdllaziz الله لايهينك ياغالي على جهودك ماشالله يعني الإستثمار أقل نسبة لكن ماقلت يعتمد على الراتب الأساسي ولا الإجمالي إذا مالقيت أحد يعطني قريب من المبلغ اللي ابيه مافيه إلا الفرنسي باخذ منه 130 ألف ريال .. للمعلومية الفرنسي محدد نسبة لموظفي أرامكوا فقط ... ولاهنتوا

هلا بوراشد
ولايهينك يابعدي

ايه الاستثمار هو الاقل في نسبة المرابحه حالياً
ومسالة الاساسي والاجمالي تناولناها في الخاص اذا تذكر بس مايمنع انك تتصل على الرقم المجاني والا احد الفروع اللى عندكم بالشرقيه وتاخذ العلم الوكاد
800124800
014786000
هذا رقم الاداره خذ منه ارقام فروع الشرقيه

======

على فكرة نسبة المرابحه اللى يقدمها لكم الفرنسي كم؟
وطلب تمويله فيه رسوم إداريه؟

اخيرا موفق خير بوراشد

 

 

[سبيد]

شوف ابعطيك اياها من الاخير ..

لا احد يلعب عليك ويقول كلام ما يدري عنه

من ضمن بنود نظام مؤسسة النقد في القرض الكاش للافراد

- ما ياخذون منك أكثر من ثلث الراتب يعني اذا راتبك 5 الاف ما ياخذون منك اكثر من 1666 ريال
- ما تزيد المدة عن 5 سنوات.
- ما يعطونك أكثر من 15 راتب بالكثير 16 راتب .
- العموله محددتها مؤسسة النقد ولا يقدر اي بنك ينقص عنها ( يمكن 3.5% مو متأكد منها حاليا)

 

 

[أبـــو راشـــد]

الحمدلله على كل حال
الغالي Abdllaziz
مريتهم اليوم وقالوا أقصى شي 79 ألف
...وصارت خيرة
الفرنسي نسبته 3,5 % ثابتة ..
رسوم إدارية والله ياخوك أني نسيت

الأخ سبيد ماعليك من مؤسسة النقد
اليوم مريت سامبا قالوا نعطيك 131 ألف ريال وترجعها لنا 159 ألف ريال بقسط شهري 2663 ريال
بكرة إن شاء الله ..سأعطيكم الخبر النهائي والتفاصيل
وشكرا لمن شارك وأفاد

 

 

[سبيد]

على راتبك اللي هو 6600

بيكون قرضك في الغالب اذا تبيه مدة خمس سنوات هو 105534 ريال فقط

ونسبة الفائدة لمدة 5 سنوات راح تكون 21106 ريال يعني راح ترجع لهم الفلوس 126640 ريال

وبياخذون عليك كل شهر مبلغ 2110 ريال

انا حسبتها لك على نسبة 4%

__________________

نصيحة وانا اخوك لا تزود القرض مره وتحد عمرك عليه

ترا بيتعبك خاصه للي متعود يصرف اكثر راتبه وراتبه مو كثير

 

 

[إنسان بسيط]

سابما جيد

وكل البنوك عندها ورقه مكتوب فيها انه شرعي

يعني انت ماعليك من احد عليك من الي يقوله البنك واذا الدوله موافقه خلاص انت مالك دخل هههههههه

تحياتي

 

 

[Abdllaziz]

بوراشد الظاهر انك راسي على الفرنسي

عموما الله يوفقك بس كيف قالوا لك الشباب مالك الا تسعه وسبعين الف

شرايك تدق علي بكره
تصبحون على خير

 

 

[أبـــو راشـــد]

الغالي Abdllaziz
لامارسيت ..
الظاهر أني برسي على الأمريكي ..بكرة إن شاء الله بمره وأشوف وش علمه ..
بنك الإستثمار مع ذلك ماراح يعطيني أكثر من 100 ألف ..صح ولا لا ياغالي؟

 

 

[سعدان]

بما أن البنوك لن تعطيك المبلغ الذي تريد, فأقترح عليك الانتظار -إن كنت تستطيع - ثمانية أشهر.
فأولاً: تجمع في هذه المدة مبلغ بين 25 و 30 ألف ثم تأخذ القرض بعد هذه المدة
وثانيًا: تكون أول من يشتري موديل 2009 .

رزقنا الله وإياكم الرزق الحلال.

 

 

[أبـــو راشـــد]

حياك الله يا سعدان
نصيحتك هي الخطوة التالية بحول الله إن لم تنجح فكرة القرض غدا بإذن الله...
ثمانية أشهر و25 -30 ألف ؟ كم في الشهر تقصد أن أجمع ؟
وحتى لو أخذت قرضا بعد 8 أشهر القرض راح يكون بحدود 70-90 ألف ريال ..بحيث أن البنوك تعتمد على الراتب الرئيسي ..وغدا بحول الله أكشف حقيقة سامبا وعرضه
وشكر الله لك ياغالي

 

 

[holine]

الله يوفقك اخي ابو راشد

الغريب ان الامريكي يعطيك 131 ألف اكيد بيدخل لك فيزا ويعطيك عليها ثلاث رواتب

علشان كذا يوصل لك هذا المبلغ

نصيحة اخوي ابتعد عن كل شيء فيه ربا

وياريت تتأكد من شرعية العقد لأن الفتوى تكون على عقد وبعض البنوك تتلاعب

في العقد وتعمم الفتوى على جميع العقود

عندك بنك الجزيرة يعطيك من 3.5-3.75 على حسب جهة العمل

وهو بنك اسلامي

 

 

[أبـــو راشـــد]

الأخ العزيز holine
الله يبعدنا من الربا ومن الحرام ..
لكن الأمريكي يقبل تعريف أخر شهر لنزول الراتب ..يعني سواءا كان 6000 الاف أو أقل أو أكثر
أهم شي أخر شهر للراتب تجيبه حتى يحسبون لك كم يقدرون يعطونك ..
انا جاني 8071 الشهر هذا فتوقعاتي توصل الى 131 ألف ..
---------------------
75 % غدا والله العالم الامريكي راح يقولي حنا نعتمد فقط على الراتب الأساسي
مع انه سابقا قال حنا اهم شي يجينا تعريف راتب اخر شهر ..بس بأشوف بكرة وإن شاء الله خير ..
------
الجزيرة كما ذكرت لايكفي
..إذا مالله اراد بكرة أني اخذ القرض ..راح ألجأ لطرق أخرى واناقشها معكم يا إخوان
جزاكم الله خير على مداخلاتكم ..أفدتوني وأفدتوا القراء
شكرا مرة أخرى

 

 

[valmer]

فيه شركات تقسيط سيارات مثل الشركة الوطنية للتقسيط يابو راشد

اعتقد انها افضل لك من البنوك

والسيارة اللي تبغاها يقسطونها عليك حتى لو كانت مستعملة وموديل قديم

شرطهم الوحيد ان القسط مايزيد عن ثلث اجمالي الراتب

وانت حسب ماذكرت راتبك 6000 ريال

ثلث الراتب 2000 يعني نفس القسط اللي تبيه بالضبط


بالتوفيق يالغالي

 

 

[أبـــو راشـــد]

ياهلا يا valmer
ماشالله عليك .هذه الخطوة الثانية وهي شركات التقسيط...
بس السؤال كم ياخذون فوائد؟
وشكرا لك

 

 

[cda2255]

اقتباس: المشاركة الأصلية كتبت بواسطة أبـــو راشـــد     الله يعطيكم العافية ياإخوان بس المشكلة السؤال ...كم راح يعطوني إذا راتبي الأساسي 4500 ريال مع البدلات يصير 6000 ريال .. فيه بعض البنوك تعطي بناءا على الراتب الأساسي مثل الراجحي وهذا ماأبيه لان القرض يكون حوالي 80-90 ألف ريال ... أبي بنك يعطيني على الأقل 130 ألف ريال ...هل هذا موجود ؟ وكم راح أرجع لهم ؟ هلى أرجع 150-160 ألف ريال؟ والله يعطيكم العافية

معليش اخوي ابو راشد معلوماتك عن الراجحي غير صحيحة انا ماخذ قرض منهم قرض من شهرين
وحسبولي القرض على الراتب كامل مع العلم ان البدلات تساوي 60% من الراتب
نصيحه بالنسبه لتورق من الاهلي السلع ما يتملكها البنك وتقريب كل البنوك عدا الراجحي
مدري عن البلاد والجزيره ما تعاملت معهم

 

 

[valmer]

اقتباس: المشاركة الأصلية كتبت بواسطة أبـــو راشـــد     ياهلا يا valmer ماشالله عليك .هذه الخطوة الثانية وهي شركات التقسيط... بس السؤال كم ياخذون فوائد؟ وشكرا لك

والله ما ادري كم الفوائد اخوي

شيك على الخاص

 

 

[mashal2007]

السلامـ عليكمـ

كيفكـ بو راشد ؟؟

بقولك جربنا الاهلي وجربنا الجزيره الجزيره اقل نسبه فوائد وهو يعتبر اقل بنك الا البلاد ما ادري عنه ..!!

وعن الشرعيه ....!!

هم بيشاورونك بيقلون لك حديد ولا آسهم

الحديد صاير فيها اشكاليه كبيره

لازم تشوف بضاعتك قبل البيع وهذا مستحيلعندهم ما يورونك اياها وانواع المرمطه الي تصير لان

اصلا الدعوه عندهم كذب بكذب لا حديد عندهم ولا شي بس مجرد ورق ...!!

انصحك تاخذ لك اسهم وان شالله على طول ترتفع وتدخل نسبة فوائد البنك

والاسهم من الناحيه الشرعيه حلال

والظاهر اغلب البنوك يعطونك على الراتب ...!!!

وفالك الخير ان شالله

 

 

[أبـــو راشـــد]

السلام عليكم
شكرا لكم يا إخوة وعلى نصائحكم القيمة ..والتي إستفدت منها ولله الحمد
البنك الأمريكي samba ..تم ولله الحمد إلغاء أخذ القرض منهم نهائيا ..وذلك بعد الإستفسار ..فتبين أن فيها شبهة ..الراجحي ...وهو حلال الله يوفق القائمين عليه ...
الحمدلله ..شلت فكرة أخذ القرض من البنوك ...وقد ألجأ للراجحي ..لكن ليس الان ...
الان الخطوة الثانية ..:
وهي اللجوء لشركات التقسيط ..
وسأفتح موضوع جديد ..وذلك ماشالله لتجاوز الردودالمائة ..ونريد الفائدة لأكبر عدد من القراء ..وحتى لايتم تضييعهم بين الصفحات ..سيتم فتح موضوع جديد بخصوص شركات التقسيط ..
والله الموفق