استفسآر عن أفضل المعاهد لتعليم اللغة الإنجليزية (بالدمام -الخبر)
banner
2012-06-12 , 03:26 صباحاً
ANA LOLO’s Avatar
ANA LOLO

عضو جديد

المشاركات:1
التسجيل:Jun 2012
ANA LOLO
السسلام عليكم ورحمة الله وبركاتةة ..

استفساري اليووم عن معاهد لتعليم اللغة الإنجليزية
في الدمام والخبر ..

ياجماعة ابي آحد يفيدني بليز عن آفضل المعاهد هناك
ابي آتعلم القرامر والمحادثات بالإنقلش

لآني السنة الجاية رح آدخل تخصصي طب
ومحتاجة اطور مهارتي في الكلام وفي اللغة بشكل عام

بالنسبة للمعاهد

(نظامهم ، موقعهم ، هواتفهم ' وفترة الدوام . المبلغ المادي )


جزاكم الله خير الدنيا والآخرة



"
Enlarged Image
2012-06-12 , 03:26 صباحاً
2012-06-12 , 12:30 مساءً
مطنوخ الخبر’s Avatar
مطنوخ الخبر

عضو جديد

المشاركات:3
التسجيل:Jun 2012
مطنوخ الخبر
أولاً ياغالي الله يوفقك في دراستك للطب وإن شاء الله تتخرج طبيب بـ أمتياز

بالنسبه للمعاهد أنصحك نصيحه تدخل معهدين لاثالث لهما وهم الأفضل على مستوى الشرقيه بشكل عام

الأول وهو الأفضل (british council) المجلس الثقافي البريطاني وهو ممتاز جداً وأفضل شيء موجود في الشرقيه

موقعه في الخبر على شارع الملك عبدالعزيز أبراج الراشد الدور السابع

بس إنتبه ترى في فرق بين ابراج الراشد وبين مجمع الراشد .. الأول عماره في شارع الملك عبدالعزيز والثاني مول كبير حق تسوق يعني لو تقول واحد في الشارع أبغى الراشد بيوصفك على المول

وهذا رابط موقعهم http://www.britishcouncil.org/ar/me-saudiarabia...

اقرأ الجدول الأخير المخصص لدورات الخبر في تواريخ معينه للتسجيل لكل دورة حاول تسجل على الوقت إلي يناسبك وكل دورة سعرها 2250 ريال بدون إختبار تحديد المستوى إذا ودك بـ إختبار تحدد مستواك ويحطوك هم على المستوى إلي يناسبك عندهم اختبار تحديد مستوى قيمته 50 ريال

بالنسبة للخيار الثاني نيوهورايزن وهو الأفضل بعد برتش كونسل

ميزته إن مراكزه منتشره في كل مكان بما إنك تبي الدمام والخبر فيه مركزين

الأول موجود في الخبر وهو على الخط السريع

والثاني موجود في الدمام في حي المريكبات قريب مستشفى الملك فهد

جبت لك روابطهم فيها الارقام والوصف وكل شيء وإذا بغيت شيء أبد دق عليهم واستفسر

هذا فرع الدمام http://www.alkhaleej.com.sa/alkhaleej/branches/...


وهذا فرع الخبر http://www.alkhaleej.com.sa/alkhaleej/branches/...

هذا اللي عندي وأتمنى إني أكون أفدتك واعذرنا على القصور

إذا عندك استفسارات ثانيه أبد لايردك إلا الكيبورد .. موفق تحياتي لك
2012-06-12 , 12:30 مساءً