ما هي البيانات المطلوبة لفتح حساب في الأهلي
banner
2011-03-29 , 10:36 مساءً
**chocolate**’s Avatar
**chocolate**

عضو متميز

المشاركات:2857
التسجيل:Dec 2009
**chocolate**
قالوا لي لما اتصلت عليهم
عطينا رقم الهوية
ورقم صندوق البريد والرمز البريدي
ورقم هاتف العمل طبعاً ماكان عندي وقلت لهم بأتصل عليكم مره ثانيه لأنه مو معي الآن

طبعاً جيت أتصل عليهم الساعه 8 ونص
لقيت دوامهم خلّص الساعه 6 م

وبإذن الله بأكلمهم الصباح غدا


بس حابه أتأكد إذا فيه بيانات أخرى عشان آخذها معي للعمل وأكلمهم من هناك ...


ياليت أحد يذكرنا بالمطلوب لفتح الحساب .

طبعاً وقالوا جيبي تعريف موجه للبنك من العمل .
Enlarged Image
2011-03-29 , 10:36 مساءً
2011-03-30 , 02:03 صباحاً
مدار الروح’s Avatar
مدار الروح

فعال

المشاركات:1382
التسجيل:Jan 2006
مدار الروح
في طريقة مريحة جدآ وهي فتح الحساب عن طريق الانترنت على الرابط التالي

http://www.alahli.com/ar-SA/Personal%20Banking/...

تعبئة الخانات المطلوبة

تجهيز التعريف والهوية الوطنية ان وجدت او سجل الأسرة وزيارة الفرع واكمال مايلزم بوقت قصير
2011-03-30 , 02:03 صباحاً
2011-03-30 , 02:32 صباحاً
SA-Concord-SA’s Avatar
SA-Concord-SA

مبدع

المشاركات:2295
التسجيل:Dec 2006
SA-Concord-SA
عنوانك البريدي
صورة من هويتك
هذا المطلوب في حالة ذهابك للفرع بنفسك .

البنوك بالذات على حسب حالة الموظف ومزاجه سالفة الخطاب والتعريفات .

لو انك رجال كان ارسلتك على الوسام في دقايق يعبيلك الطلب وفوقها تركش كوفي ولا امريكان كوفي .

المشكلة في فروع النساء الكل دايم يشتكي من تعاملهم

اذا محد رد من الاعضاء وافادك الحين على بكرة الصبح ان شاءالله اكون في البنك واعلمك وش المطلوب .
2011-03-30 , 02:32 صباحاً
2011-03-30 , 05:03 صباحاً
a-lll-a’s Avatar
a-lll-a

عضو فعال

المشاركات:617
التسجيل:Dec 2010
a-lll-a
يعني تقدرين تفتحين حساب عن طريق التلفون ؟

انا جربت بنوك غير الاهلي وكلهم مايطلبون غير اثباتك سواء بطاقه احوال او جواز واحد منهم
اذا ماعندك ولا واحد بطاقه العائله مع معرف اب اخ زوج جد
او اذا انتي موظفه تعريف من العمل مع بطاقه العائله ..

مايحتاج رقم عمل او شي يكفي رقم جوالك وصندوق بريد ورمز بريدي واذا ماعندك عادي موضروري ترا
قولي ماعندي وعطيهم عنوان البيت شارع وحي ..

وبياناتك الاسم كامل تاريخ الميلاد بس
2011-03-30 , 05:03 صباحاً
2011-03-30 , 10:25 صباحاً
**chocolate**’s Avatar
**chocolate**

عضو متميز

المشاركات:2857
التسجيل:Dec 2009
**chocolate**
مدار الروح كتب:
في طريقة مريحة جدآ وهي فتح الحساب عن طريق الانترنت على الرابط التالي

http://www.alahli.com/ar-SA/Personal%20Banking/...

تعبئة الخانات المطلوبة

تجهيز التعريف والهوية الوطنية ان وجدت او سجل الأسرة وزيارة الفرع واكمال مايلزم بوقت قصير

هل تمكنت من التسجيل عبر الموقع !
لأن الخدمة أعتقد معطّلة ، جربت أكثر من 3 مرات .
وفيه واحد من الأعضاء قال لي عنده نفس المشكلة .
والموظفة أعطتني رقم اتصل عليه ويسجلوني .
SA-Concord-SA كتب:
عنوانك البريدي
صورة من هويتك
هذا المطلوب في حالة ذهابك للفرع بنفسك .

البنوك بالذات على حسب حالة الموظف ومزاجه سالفة الخطاب والتعريفات .

لو انك رجال كان ارسلتك على الوسام في دقايق يعبيلك الطلب وفوقها تركش كوفي ولا امريكان كوفي .

المشكلة في فروع النساء الكل دايم يشتكي من تعاملهم

اذا محد رد من الاعضاء وافادك الحين على بكرة الصبح ان شاءالله اكون في البنك واعلمك وش المطلوب .

صراحه البنك الأهلي إجراءاتهم معقدة وطويلة وفيها شوي فلسفسه مايحبونها العملاء ...
والله مافتحته إلا مضطره عشان هالآمازون نشتري منه مع إني ماحبيته مره هالآمازون ...
ربي يسعدك ، ماتقصّر ...
أنتظر ردّك مدام تشتغل في البنك ...
a-lll-a كتب:
يعني تقدرين تفتحين حساب عن طريق التلفون ؟

انا جربت بنوك غير الاهلي وكلهم مايطلبون غير اثباتك سواء بطاقه احوال او جواز واحد منهم
اذا ماعندك ولا واحد بطاقه العائله مع معرف اب اخ زوج جد
او اذا انتي موظفه تعريف من العمل مع بطاقه العائله ..

مايحتاج رقم عمل او شي يكفي رقم جوالك وصندوق بريد ورمز بريدي واذا ماعندك عادي موضروري ترا
قولي ماعندي وعطيهم عنوان البيت شارع وحي ..

وبياناتك الاسم كامل تاريخ الميلاد بس

ايه بالتلفون عالرقم المجاني لفتح الحسابات ويشتغلون من 9ص إلى 6م
920000897
مطلوب رقم الهوية
رقم هاتف العمل إذا كنتِ تعملين
رقم صندوق البريد والرمز البريدي وضروري يكون باسمك أو باسم أحد من أفراد عائلتك ...
بس شكلي بأدق عليهم الآن وبأسجل بالبريد اللي عندي وبعدها بأفتح بريد فردي وأعدل البيانات أول ما آخذ عنوان بريدي من البريد السعودي ...
أبغى أموري تمشي شوي ....

على فكرة معي أحوال ما أحب سالفة التعريف كأني شغاله هههههههههه
ورقم العمل هم اللي طلبوه مني .
2011-03-30 , 10:25 صباحاً
2011-03-30 , 12:04 مساءً
SA-Concord-SA’s Avatar
SA-Concord-SA

مبدع

المشاركات:2295
التسجيل:Dec 2006
SA-Concord-SA
[QUOTE]صراحه البنك الأهلي إجراءاتهم معقدة وطويلة وفيها شوي فلسفسه مايحبونها العملاء ...
والله مافتحته إلا مضطره عشان هالآمازون نشتري منه مع إني ماحبيته مره هالآمازون ...
ربي يسعدك ، ماتقصّر ...
أنتظر ردّك مدام تشتغل في البنك ...[/QUOTE]

لاوجهي مو وجه بنك نهائيا :new3: انا لو اشتغل في البنك بطفر بالبنك واطلب على حسابهم من امازون :z-attack:

المهم توني سائل فتح الحساب عن طريق التلفون راح تضطرين بعد ماياخذون منك البيانات تراجعينهم وتاخذين معك بطاقتك وتعريف من العمل. وعنوانك البريدي وارقام الهواتف بس :d احس شوي ويقولون ورقه مختومه من العمده .
2011-03-30 , 12:04 مساءً
2011-03-30 , 04:10 مساءً
مدار الروح’s Avatar
مدار الروح

فعال

المشاركات:1382
التسجيل:Jan 2006
مدار الروح
**chocolate** كتب:
هل تمكنت من التسجيل عبر الموقع !
لأن الخدمة أعتقد معطّلة ، جربت أكثر من 3 مرات .
وفيه واحد من الأعضاء قال لي عنده نفس المشكلة .
والموظفة أعطتني رقم اتصل عليه ويسجلوني .


نعم كنت مع صديق وفتحت له حساب عن طريق الانترنت قبل 4 شهور ومشت الأمور تمام وراجعنا البنك وخلص أمورة وكمل فتح الحساب بعد تقديم الاوراق الرسمية المطلوبة

ومادري كان عندهم مشكلة حاليآ بالموقع لكن اتوقع زيارة منك وخلال ساعة او اقل تفتحين الحساب اذا الفرع ماهو مزحوم بالقسم النسائي

انا فتحت حساب عندهم خلال 20 دقيقة في قسم الوسام للفرع الموجود عندنا مجرد بطاقة الهوية الوطنية وتوقيع الملف وبدون تعريف مع شيك مصدق من البنك الأهلي كنت ابي اسحبة كاش وارغموني على فتح الحساب
2011-03-30 , 04:10 مساءً
2011-03-30 , 05:23 مساءً
a-lll-a’s Avatar
a-lll-a

عضو فعال

المشاركات:617
التسجيل:Dec 2010
a-lll-a
طيب وش الفايده اسجل عن طريق التلفون واروح وياخذون نفس البيانات المفروض يكون كل شي جاهز عندهم اروح اوقع ع الاوراق وتكون البطاقه جاهزه استلمها فورا

طيب وين فروعهم احس موقعهم من العصر الحجري مافيه خانه توضح الفروع وين ابي فروع الرياض النسائيه ولا عليكم امر
2011-03-30 , 05:23 مساءً
2011-03-30 , 08:04 مساءً
المـــــوادع’s Avatar
المـــــوادع

FaHaD

المشاركات:6633
التسجيل:Apr 2008
المـــــوادع
a-lll-a كتب:
طيب وش الفايده اسجل عن طريق التلفون واروح وياخذون نفس البيانات المفروض يكون كل شي جاهز عندهم اروح اوقع ع الاوراق وتكون البطاقه جاهزه استلمها فورا

طيب وين فروعهم احس موقعهم من العصر الحجري مافيه خانه توضح الفروع وين ابي فروع الرياض النسائيه ولا عليكم امر



اي جهه بالرياض شرق غرب جنوب شمال :2:
2011-03-30 , 08:04 مساءً
2011-03-30 , 08:36 مساءً
aumneah’s Avatar
aumneah

متميز

المشاركات:6247
التسجيل:Jan 2011
aumneah
SA-Concord-SA كتب:
لاوجهي مو وجه بنك نهائيا :new3: انا لو اشتغل في البنك بطفر بالبنك واطلب على حسابهم من امازون :z-attack:

المهم توني سائل فتح الحساب عن طريق التلفون راح تضطرين بعد ماياخذون منك البيانات تراجعينهم وتاخذين معك بطاقتك وتعريف من العمل. وعنوانك البريدي وارقام الهواتف بس :d احس شوي ويقولون ورقه مختومه من العمده .


جيت على الجرح انا رحت بافتح لي حساب ويوم عرفت اني مو طالبه ولا اشتغل طلبت ورقة من العمده يثبت اني ماشتغل:angry2: استغفرك ربي الحمدلله مسكت اعصابي عليها اسوء تعامل في العالم
فكرت اروح لقسم الرجال بدل هالتعامل :new6:
2011-03-30 , 08:36 مساءً
2011-03-30 , 10:23 مساءً
a-lll-a’s Avatar
a-lll-a

عضو فعال

المشاركات:617
التسجيل:Dec 2010
a-lll-a
aumneah كتب:

جيت على الجرح انا رحت بافتح لي حساب ويوم عرفت اني مو طالبه ولا اشتغل طلبت ورقة من العمده يثبت اني ماشتغل:angry2: استغفرك ربي الحمدلله مسكت اعصابي عليها اسوء تعامل في العالم
فكرت اروح لقسم الرجال بدل هالتعامل :new6:


ههههههههه
صراحه لو يسوونها فيني ماادري وش بتكون رده فعلي بس اتوقع بقلب عليها الطاوله :icon23:
انا من شفت موقعهم مارجيت خير
احسه بدائي وشي يع مو راقي ابدا
ياملح الراجحي وسامبا تعامل راقي ماقد شكيت من شي
يركضون ركض للعملاء عشان يخدمونهم وهذولي ينفرون الناس منهم اجل ورقه من العمده !
وش دخلكم اشتغل والا جالسه في البيت لقافه:d
وبنك الرياض في الطريق بجربه هذولي الي الواحد يقدر تعاملهم


[QUOTE] اي جهه بالرياض شرق غرب جنوب شمال :2: [/QUOTE]

خلاص هونت زعلت عليهم
يسلمو
2011-03-30 , 10:23 مساءً
2011-03-31 , 02:27 صباحاً
**chocolate**’s Avatar
**chocolate**

عضو متميز

المشاركات:2857
التسجيل:Dec 2009
**chocolate**
SA-Concord-SA كتب:
لاوجهي مو وجه بنك نهائيا :new3: انا لو اشتغل في البنك بطفر بالبنك واطلب على حسابهم من امازون :z-attack:

المهم توني سائل فتح الحساب عن طريق التلفون راح تضطرين بعد ماياخذون منك البيانات تراجعينهم وتاخذين معك بطاقتك وتعريف من العمل. وعنوانك البريدي وارقام الهواتف بس :d احس شوي ويقولون ورقه مختومه من العمده .

صدقت ...
مدار الروح كتب:
نعم كنت مع صديق وفتحت له حساب عن طريق الانترنت قبل 4 شهور ومشت الأمور تمام وراجعنا البنك وخلص أمورة وكمل فتح الحساب بعد تقديم الاوراق الرسمية المطلوبة

ومادري كان عندهم مشكلة حاليآ بالموقع لكن اتوقع زيارة منك وخلال ساعة او اقل تفتحين الحساب اذا الفرع ماهو مزحوم بالقسم النسائي

انا فتحت حساب عندهم خلال 20 دقيقة في قسم الوسام للفرع الموجود عندنا مجرد بطاقة الهوية الوطنية وتوقيع الملف وبدون تعريف مع شيك مصدق من البنك الأهلي كنت ابي اسحبة كاش وارغموني على فتح الحساب

ليتهم يفكون عُقدهم شوي !!!
أو عالأقل عدلوا موقعهم وأبد كل شي أنا بأسويه ...
a-lll-a كتب:
طيب وش الفايده اسجل عن طريق التلفون واروح وياخذون نفس البيانات المفروض يكون كل شي جاهز عندهم اروح اوقع ع الاوراق وتكون البطاقه جاهزه استلمها فورا

طيب وين فروعهم احس موقعهم من العصر الحجري مافيه خانه توضح الفروع وين ابي فروع الرياض النسائيه ولا عليكم امر

إذا اتصلتِ بالتلفون ياحلوه ياخذون البيانات المطلوبة بعدين تروحين الفرع ومايعبونها مره ثانيه ، تكون عندهم مخزنة في النظام لأنك عبيتيها قبل في الهاتف مجرد توقعين وتكملين إجراءات بسيطة عشان مايطول انتظارك هذا هو الهدف .

aumneah كتب:

جيت على الجرح انا رحت بافتح لي حساب ويوم عرفت اني مو طالبه ولا اشتغل طلبت ورقة من العمده يثبت اني ماشتغل:angry2: استغفرك ربي الحمدلله مسكت اعصابي عليها اسوء تعامل في العالم
فكرت اروح لقسم الرجال بدل هالتعامل :new6:

كككككك ، جاك ماجاني ...
ومازالت التعقيدات مستمرة ...
ما أدري وش قصة الإثبات اللي يطلب من النساء مره خلي أحد يعرف عليك ومره جيبي إثبات وما أدري ايش كرهونا في أنفسنا هههههههههه
ما صبّرني عليهم إلا الحاجة وبنشوف نهاية هالحوسه وش بيصير .
a-lll-a كتب:
ههههههههه
صراحه لو يسوونها فيني ماادري وش بتكون رده فعلي بس اتوقع بقلب عليها الطاوله :icon23:
انا من شفت موقعهم مارجيت خير
احسه بدائي وشي يع مو راقي ابدا
ياملح الراجحي وسامبا تعامل راقي ماقد شكيت من شي
يركضون ركض للعملاء عشان يخدمونهم وهذولي ينفرون الناس منهم اجل ورقه من العمده !
وش دخلكم اشتغل والا جالسه في البيت لقافه:d
وبنك الرياض في الطريق بجربه هذولي الي الواحد يقدر تعاملهم

خلاص هونت زعلت عليهم
يسلمو

الراجحي ماشي تمام معي أقصد الموقع مباشر الأفراد لكن ما استخرجت بطاقة التسوق
اكتفيت بالإنماء وحالياً البطاقة مسبقة الدفع من الأهلي .



شكراً للجميع على تعاونكم في الرد على استفساري .
2011-03-31 , 02:27 صباحاً
2011-03-31 , 02:52 صباحاً
unnamed’s Avatar
unnamed

فعال

المشاركات:1485
التسجيل:Jul 2007
unnamed
انا مطلع على تعليمات مؤسسة النقد واذا ما فتحولك حساب ادخلي على مديرة او مدير الفرع وراح يفتحلك حساب بنفسه

1- المطلوب منك بطاقة احوال شخصية بها صورتك الشخصية

وفي حالة توفر كرت العائلة فقط (طبعا مافيها صورة) يمكنك تقديم صورة جواز السفر سارية المفعول (بها صورتك الشخصية) او تقديم معرف معك (حضوريا) مع بطاقة الاحوال

واذا عندك بطاقة احوال وترغبي بتغطية الصورة . فعليك احضار معرف

2- بخصوص معلوماتك الشخصية. في النهاية العميل يتحمل كامل مسؤولية صحة المعلومات اللي يقدمها
يعني لو حطيتي جوال جاركم وبريد البقاله . في النهاية توقيعك على هذه المعلومات يخلي طرف البنك من اي مشاكل تترتب على معلومات خاطئة .. يعني لو كشف حسابك او بطاقة الصراف راحت للجيران لا تقوليلهم ليش! بخصوص البريد مهو شرط يكون باسمك .. ولكن البنك يبي يضمن انه كشوف الحسابات او غيره من المراسلات البريديه توصلك .. في النهاية البنك ما يعرف اذا البريد باسمك فعلا ولا لا!


3- لو كان الحساب شخصي وليس حساب رواتب او اجيال او غيره ... ما يطلب منك لا تعريف ولا ورقة عمده ولا يحزنون سوى الاوراق الثبوتية (بطاقة الاحوال)

4- البنك مجبر بفتح الحساب (بدون رصيد) ويستطيع اغلاقة بعد 90 يوم اذا لم يتم الايداع فيه
يعني لحد يقولك لازم ايداع


^^^^^^^^^^^^^^^^^

بالكلام اعلاه لو الموظفة قالتلك شي ولا شي ادخلي على مديرة الفرع وقوليلها خالي في مؤسسة النقد ! راح يشربوك شاهي وتجيك بطاقة الصراف وفوقها تحية

يا اخوان .. البنوك مجبرة انها تخدمكم بناء على قوانين الدولة . ولا يحق لها رفض فتح حساب لشخص تنطبق فيه الشروط

يعني لو دخلت الفرع حافي الله يكرمكم وثوبي مقطع وباقولهم بافتح حساب . مجبرين على فتح الحساب بدون لكاعه

واي معلومات اخرى انا حاضر
2011-03-31 , 02:52 صباحاً
2011-03-31 , 03:23 صباحاً
SA-Concord-SA’s Avatar
SA-Concord-SA

مبدع

المشاركات:2295
التسجيل:Dec 2006
SA-Concord-SA
يازين سامبا بس يجون لين عندك يقولون شبيك لبيك حتى يتصلون على الواحد يقولون وصلت حدك الائتماني ماودك نرفعلك حدك الائتماني <<===== يبون يورطون الواحد بديون الفيزا:new3:

لو اشوف واحد منكم يامدمنين التجارة الالكترونية مطلع فيزا عاديه غير مسبقة الدفع بجي اتهاوش معاه :new8:
2011-03-31 , 03:23 صباحاً
2011-03-31 , 03:45 صباحاً
unnamed’s Avatar
unnamed

فعال

المشاركات:1485
التسجيل:Jul 2007
unnamed
SA-Concord-SA كتب:
يازين سامبا بس يجون لين عندك يقولون شبيك لبيك حتى يتصلون على الواحد يقولون وصلت حدك الائتماني ماودك نرفعلك حدك الائتماني <<===== يبون يورطون الواحد بديون الفيزا:new3:

لو اشوف واحد منكم يامدمنين التجارة الالكترونية مطلع فيزا عاديه غير مسبقة الدفع بجي اتهاوش معاه :new8:

انا طلعت فيزا غير مسبقة الدفع :new7: (مسبقة الدفع عندي من اول)

اول استخدام لها باشتراك اراميكس تضاربت معاهم وقلتلهم رجعولي فلوسي :new3:
2011-03-31 , 03:45 صباحاً
2011-03-31 , 03:58 صباحاً
SA-Concord-SA’s Avatar
SA-Concord-SA

مبدع

المشاركات:2295
التسجيل:Dec 2006
SA-Concord-SA
unnamed كتب:
انا طلعت فيزا غير مسبقة الدفع :new7: (مسبقة الدفع عندي من اول)

اول استخدام لها باشتراك اراميكس تضاربت معاهم وقلتلهم رجعولي فلوسي :new3:


هي احلى مافيها انك ماتشيل هم المبالغ المعلقه وتقول متى ترجع فلوسي .
يعطونك من 50 الف الى 100 الف بس في النهاية تتهور وتشتري وتاكلها :new3: لاتقولي بمسك نفسي ترا تشوف هذا رخيص وتقول اشتر وتجي عقب يومين تقول رخيص اشتر وتجي نهاية الشهر عليك مستحقات يحبها قلبك .
2011-03-31 , 03:58 صباحاً
2011-03-31 , 04:03 صباحاً
unnamed’s Avatar
unnamed

فعال

المشاركات:1485
التسجيل:Jul 2007
unnamed
SA-Concord-SA كتب:
هي احلى مافيها انك ماتشيل هم المبالغ المعلقه وتقول متى ترجع فلوسي .
يعطونك من 50 الف الى 100 الف بس في النهاية تتهور وتشتري وتاكلها :new3: لاتقولي بمسك نفسي ترا تشوف هذا رخيص وتقول اشتر وتجي عقب يومين تقول رخيص اشتر وتجي نهاية الشهر عليك مستحقات يحبها قلبك .

حلاوتها وقت الزنقات

لا صارت مصيبة ولا شي معك راتب في جيبك احتياط

الحمدلله لها شهر معي .. بس دايما لما استخدمها كاني ادفع كاش. يعني افكر معي فلوس بالحساب ولا لا

يعني استخدمها استخدام مسبقة الدفع بس بالعكس :d
الحين ناشب لاراميكس بال 35 دولار يرجعونها لي بالقوة :new3:

لا انتهت المضاربة بافتح موضوع

واسف خرجنا عن الموضوع

همسة لكنكورد : راح ارسلك رابط في الخاص بغيت رأيك فيه الله لا يهينك
2011-03-31 , 04:03 صباحاً
2011-03-31 , 04:45 صباحاً
**chocolate**’s Avatar
**chocolate**

عضو متميز

المشاركات:2857
التسجيل:Dec 2009
**chocolate**
unnamed كتب:
انا مطلع على تعليمات مؤسسة النقد واذا ما فتحولك حساب ادخلي على مديرة او مدير الفرع وراح يفتحلك حساب بنفسه

1- المطلوب منك بطاقة احوال شخصية بها صورتك الشخصية

وفي حالة توفر كرت العائلة فقط (طبعا مافيها صورة) يمكنك تقديم صورة جواز السفر سارية المفعول (بها صورتك الشخصية) او تقديم معرف معك (حضوريا) مع بطاقة الاحوال

واذا عندك بطاقة احوال وترغبي بتغطية الصورة . فعليك احضار معرف

2- بخصوص معلوماتك الشخصية. في النهاية العميل يتحمل كامل مسؤولية صحة المعلومات اللي يقدمها
يعني لو حطيتي جوال جاركم وبريد البقاله . في النهاية توقيعك على هذه المعلومات يخلي طرف البنك من اي مشاكل تترتب على معلومات خاطئة .. يعني لو كشف حسابك او بطاقة الصراف راحت للجيران لا تقوليلهم ليش! بخصوص البريد مهو شرط يكون باسمك .. ولكن البنك يبي يضمن انه كشوف الحسابات او غيره من المراسلات البريديه توصلك .. في النهاية البنك ما يعرف اذا البريد باسمك فعلا ولا لا!


3- لو كان الحساب شخصي وليس حساب رواتب او اجيال او غيره ... ما يطلب منك لا تعريف ولا ورقة عمده ولا يحزنون سوى الاوراق الثبوتية (بطاقة الاحوال)

4- البنك مجبر بفتح الحساب (بدون رصيد) ويستطيع اغلاقة بعد 90 يوم اذا لم يتم الايداع فيه
يعني لحد يقولك لازم ايداع


^^^^^^^^^^^^^^^^^

بالكلام اعلاه لو الموظفة قالتلك شي ولا شي ادخلي على مديرة الفرع وقوليلها خالي في مؤسسة النقد ! راح يشربوك شاهي وتجيك بطاقة الصراف وفوقها تحية

يا اخوان .. البنوك مجبرة انها تخدمكم بناء على قوانين الدولة . ولا يحق لها رفض فتح حساب لشخص تنطبق فيه الشروط

يعني لو دخلت الفرع حافي الله يكرمكم وثوبي مقطع وباقولهم بافتح حساب . مجبرين على فتح الحساب بدون لكاعه

واي معلومات اخرى انا حاضر

ما قصّرت كفيت ووفيت ...
بس تعالوا أدبوهم شوي ...
لأنهم يصلحون لنا العكس ...
أذكر الراجحي من زمان طبعاً أول مره فتحت حساب عندهم قالوا لازم إيداع وما أتذكر كم المهم تبهذلت وكلمت الوالد يسحب لي من حسابه ألف عشان أودعها في حسابي ...
أما الإنماء ما سووها معي ...
SA-Concord-SA كتب:
يازين سامبا بس يجون لين عندك يقولون شبيك لبيك حتى يتصلون على الواحد يقولون وصلت حدك الائتماني ماودك نرفعلك حدك الائتماني <<===== يبون يورطون الواحد بديون الفيزا:new3:

لو اشوف واحد منكم يامدمنين التجارة الالكترونية مطلع فيزا عاديه غير مسبقة الدفع بجي اتهاوش معاه :new8:

ما أحب أورط نفسي مع البنوك والمؤسسات والشركات /// يالله أهلنا وبس .
unnamed كتب:
انا طلعت فيزا غير مسبقة الدفع :new7: (مسبقة الدفع عندي من اول)

اول استخدام لها باشتراك اراميكس تضاربت معاهم وقلتلهم رجعولي فلوسي :new3:

الله يعينك ، كل شي يغري في التسوق ...
SA-Concord-SA كتب:
هي احلى مافيها انك ماتشيل هم المبالغ المعلقه وتقول متى ترجع فلوسي .
يعطونك من 50 الف الى 100 الف بس في النهاية تتهور وتشتري وتاكلها :new3: لاتقولي بمسك نفسي ترا تشوف هذا رخيص وتقول اشتر وتجي عقب يومين تقول رخيص اشتر وتجي نهاية الشهر عليك مستحقات يحبها قلبك .

حذار منها ...
unnamed كتب:
حلاوتها وقت الزنقات

لا صارت مصيبة ولا شي معك راتب في جيبك احتياط

الحمدلله لها شهر معي .. بس دايما لما استخدمها كاني ادفع كاش. يعني افكر معي فلوس بالحساب ولا لا

يعني استخدمها استخدام مسبقة الدفع بس بالعكس :d
الحين ناشب لاراميكس بال 35 دولار يرجعونها لي بالقوة :new3:

لا انتهت المضاربة بافتح موضوع

واسف خرجنا عن الموضوع

همسة لكنكورد : راح ارسلك رابط في الخاص بغيت رأيك فيه الله لا يهينك

الموضوع للجميع ...
ونصيحه عشان كلمة لايهينك ترى ماتصلح لأن الإهانة لاترتبط باسم الجلالة عزّوجل ...
الله يعافيك ، الله يسلمك ، الله يوفقك ، الله يجزاك خير ، الله يسعدك ... أي كلمة بديله
وفقك الرحمن وأسعدك ...


شكراً للجميـــــــــــــع
2011-03-31 , 04:45 صباحاً
2011-03-31 , 05:15 صباحاً
unnamed’s Avatar
unnamed

فعال

المشاركات:1485
التسجيل:Jul 2007
unnamed
**chocolate** كتب:
ونصيحه عشان كلمة لايهينك ترى ماتصلح لأن الإهانة لاترتبط باسم الجلالة عزّوجل ...

قال الشيخ ابن عثيمين رحمه الله تعالى في ( مجموع الفتاوى ج3 /77 ) :
هذه العبارة صحيحة، والله سبحانه وتعالى قد يهين العبد ويذله، وقد قال الله تعالى في عذاب الكفار أنهم يُجزون عذاب الهون بما كانوا يستكبرون في الأرض، فأذاقهم الله الهوان والذل بكبريائهم واستكبارهم في الأرض بغير الحق، وقال: {ومن يهن الله فما له من مكرم}، والإنسان إذا أمرك فقد تشعر بأن هذا إذلال وهوان لك فيقول: "الله لا يهينك".
.
2011-03-31 , 05:15 صباحاً
2011-03-31 , 05:42 صباحاً
**chocolate**’s Avatar
**chocolate**

عضو متميز

المشاركات:2857
التسجيل:Dec 2009
**chocolate**
^
جُزيت خيراً على التوضيح ...
وفقك الرحمن ...
2011-03-31 , 05:42 صباحاً